Leita

Tímabil:
 
 
Stćrđ:
Vinsćlar eignir Fleiri eignir >>
  • Strandgata 3 - Akureyri

  • Orlofsíbúð Sjóvá er rúmgóð 3ja herbergja íbúð á 5. hæð Strandgötu 3, í sama húsi og útibú Sjóvá á Akureyri. Íbúðinni fylgja geymsla og tvö bílastæði í bílageymslu í kjallara og aðgangur að þakgarði í sameign með útgangi frá stigagangi á 2. hæð. Íbúðin er alls 96 m² að stærð og skiptist í stofu, 2 svefnherbergi, eldhús og baðherbergi, allt með flísalögðum gólfum. Tvennar svalir eru í íbúðinni og á stærri svölunum sem snúa út að Ráðhústorgi er gasgrill, borð og stólar. Stofan er rúmgóð með stórum hornsófa, sjónvarp, spilari og hjómtæki. Í öðru svefnherberginu er einnig sjónvarp og spilari. Eldhúsið er vel útbúið með eldavél, ofni, ísskáp, örbylgjuofni, uppþvottavél, kaffikanna og baunakaffikanna, blandara, handþeytara, brauðrist, samlokugrill, vöfflujárn m.m. Borðbúnaður er fyrir 12 manns, leirtau, hnífapör og glös af ýmsum stærðum og gerðum og öll almenn eldhúsáhöld. Í borðkróknum eru borð og stólar fyrir 6 manns og barnastóll. Í stærra svefnherberginu er hjónarúm (180 x 200 cm) og ferðabarnarúm. Í minna svefnherberginu er hjónarúm (160 x 200 cm), í geymslunni niðri eru tvær springdýnur (90 x 200 cm) og einnig er hægt að sofa í sófanum. Vinsamlega skilið dýnunum í geymsluna eftir notkun. Á baðherberginu er baðkar með sturtuaðstöðu, þvottavél og hárblásari og sléttujárn. Í skáp á gangi eru áhöld og hreinsiefni til þrifa, pappír, þurrkgrind, straubretti og straujárn. Í íbúðinni er þráðlaust net sem er eingöngu ætlað fyrir aðgang að netinu, en niðurhal á efni er með öllu óheimilt. Sjá nánar leiðbeiningar á staðnum. Í íbúðinni eru 8 sængur og koddar auk barnasængur, en koma þarf með allt lín s.s. sængurföt (sængurver, koddaver og lök), handklæði, viskastykki og borðtuskur. Á staðnum á að vera salernis- og eldhúspappír, áhöld og hreinsiefni til þrifa. Ef eitthvað vantar vinsamlega tilkynnið til orlofshúsanefndar orlofshus@sjova.is.

  • Nánar >>
  • Áshvammar 12

  • Orlofshúsið í Áshvömmum er rúmgott 110 m² hús sem stendur á hektara eignalandi. Umhverfis húsið er góður sólpallur með heitum potti og gasgrilli og er hægt að ganga út á þremur stöðum úr stofu og eldhúsi. Húsið skiptist í 3 svefnherbergi, stofu og eldhús í einu rými, baðherbergi með sturtu og þvottahús og einnig er á lóðinni 20 m² geymsluskúr. Svefnaðstaða er fyrir 8 manns í  herbergjum, en auk þess eru tvær aukadýnur  í geymsluskúr. Í hjónaherbergi er hjónarúm (180 x 200), en í hinum herbergjunum eru kojur (breið neðri koja 140 x 200 og efri koja 90 x 200) og einnig er barnaferðarúm með dýnu. Á staðnum eru sængur og koddar, en koma þarf með allt lín, þ.e. sængurföt (sængurver, koddaver og lök), handklæði, viskustykki, borðtuskur, plastpoka og gúmmíhanska m.m. Eldhúsið er fullbúið með eldavél, bakaraofni, ísskáp, örbylgjuofni, uppþvottavél, kaffikönnu, blandara, handþeytara, töfrasprota, brauðrist, samlokugrilli, vöfflujárni o.fl. Á staðnum er einnig Nespresso kaffivél, en gestir þurfa að taka með sér kaffihylki. Borðbúnaður er fyrir 12 manns (leirtau og hnífapör) og glös af ýmsum stærðum og gerðum. Auk þess eru öll almenn eldhúsáhöld, pottar og pönnur. Í borðstofunni er borðstofuborð og stólar fyrir 8 manns og barnastóll og einnig eru eldhúskollar, aukastólar, garðhúsgögn og eitthvað af leikföngum í geymsluskúr. Af öðru innbúi má nefna hornsófa, sófaborð, sjónvarp og hjómtæki. Á baðherberginu er hárblásari og í þvottahúsinu er þvottavél með þurrkara, áhöld og hreinsiefni. Á staðnum eiga að vera salernispappír, eldhúspappír, áhöld og öll hreinsiefni til þrifa. Ef eitthvað vantar vinsamlega tilkynnið til orlofshúsanefndar. Í geymsluskúrnum eiga einnig að vera auka gaskútar og stórir svartir ruslapokar.

  • Nánar >>
  • Furuhlíđ í Ţjórsárdal

  • Í Furuhlíð eru 3 svefnherbergi, stofa, eldhús og baðherbergi með sturtu. Svefnaðstaða er fyrir 6 - 8 manns í tveimur herbergjum með hjónarúmi og einu herbergi með koju.  Auk þess er ferðabarnarúm með dýnu. Á staðnum eru 8 sængur og 8 koddar, en koma þarf með sængurföt (sængurver, koddaver og lök), handklæði, viskustykki, borðtuskur, eldhúspappír og gúmmíhanska.  Í eldhúsi er ísskápur, helluborð með 2 hellum og sambyggður bakara- og örbylgjuofn. Borðbúnaður er fyrir 12 manns (leirtau og hnífapör) og glös af ýmsum stærðum og gerðum. Auk þess eru öll almenn eldhúsáhöld, pottar og pönnur, handþeytari, pönnukökupanna, vöfflujárn, samlokugrill, brauðrist og hraðsuðuketill. Af öðru innbúi má nefna eldhússtóla og kolla, barnastól, útvarpstæki með geislaspilara og kasettutæki, sjónvarp, spilara, hárþurrku og gasgrill. Á staðnum á að vera salernispappír, eldhúspappír, áhöld og hreinsiefni til þrifa. Ef eitthvað vantar vinsamlega tilkynnið til orlofshúsanefndar orlofshus@sjova.is . Fyrir framan húsið er sólpallur með heitum potti, sumarhúsgögnum og gasgrilli. Stór lóð er í kringum orlofshúsin og milli þeirra stendur hús þar sem er gufubað, snyrting, sturta og stór ísskápur með litlu frystihólfi sem er sameiginlegt með Grenihlíð. Í verkfærageymslu á bak við húsið eru m.a. geymdir aukagaskútar og svartir ruslapokar. Sandkassi er við húsið og á flötinni fyrir framan eru rólur, vegasalt og grasvöllur.

  • Nánar >>
  • Grenihlíđ í Ţjórsárdal

  • Í Grenihlíð eru 3 svefnherbergi, stofa, eldhús og gott baðherbergi með sturtu. Svefnaðstaða er fyrir 6 - 8 manns í tveimur herbergjum með hjónarúmi og einu herbergi með breiðri koju. Auk þess er ferðabarnarúm með dýnu og ein ferðadýna (70x190). Á staðnum eru 8 sængur og 8 koddar, en koma þarf með sængurföt (sængurver, koddaver og lök), handklæði, viskustykki, borðtuskur, plastpoka og gúmmíhanska m.m.  Í eldhúsi er ísskápur, helluborð með 2 hellum og sambyggður bakara- og örbylgjuofn. Borðbúnaður er fyrir 12 manns (leirtau og hnífapör) og glös af ýmsum stærðum og gerðum. Auk þess eru öll almenn eldhúsáhöld, pottar og pönnur, handþeytari, pönnukökupanna, vöfflujárn, samlokugrill, brauðrist og hraðsuðuketill. Af öðru innbúi má nefna eldhússtóla og kolla, barnastól, útvarpstæki með geislaspilara og kasettutæki, sjónvarp, spilara, hárþurrku og gasgrill. Á staðnum eiga að vera salernispappír, eldhúspappír, áhöld og öll hreinsiefni til þrifa. Ef eitthvað vantar vinsamlega tilkynnið til orlofshúsanefndar orlofshus@sjova.is . Fyrir framan húsið er sólpallur með heitum potti, sumarhúsgögnum og gasgrilli. Stór lóð er í kringum orlofshúsin og milli þeirra stendur hús þar sem er gufubað, snyrting, sturta og stór ísskápur með litlu frystihólfi sem er sameiginlegt með Furuhlíð. Í verkfærageymslu á bak við húsið eru m.a. geymdir aukagaskútar og stórir svartir ruslapokar. Sandkassi er við húsið og á flötinni fyrir framan eru rólur, vegasalt og grasvöllur.

  • Nánar >>